منیم دیلیم

نازلی شیرین دیل واریم ، اؤزگه دیله یازمارام

دوغراسالاردا منی اؤز دیلیمی آتمارام

جنتی وئرسز منه ، دونیانی ساتساز منه

من آنامین ناز دیلین باشقا دیله ساتمارام

شهریاریم دوز دییب قاتما دیلین دیللره

من بو گؤزل تورک دیلین آیری دیله قاتمارام

باخ بو دیلین سایه سی ، گزدی آدیم دیللره

اولماسا گر بو دیلیم هئچ یئره من چاتمارام

اوندا کی من اؤلموشم قورلایین اؤز یوردوما

چون بودور عادت منیم اؤزگه یئره یاتمارام

قبریمین اوستونده سیز تورکی بو شعری یازین